راحت قفلت عليا باب الحمامات و انا مرعوبه جدا ومتردده اساسا قبل ما أدخل الحمامات و أول ما قفلت عليا باب الحمام وهي بتضحك طبعا كالعاده مفكره اللي بتعملو ده انها هزار و انا اساسا جايباها علشان تسليني وتبعد عني الخوف و انا نازله اتحولت ان هي مصدر خوفي أكتر
بدأت اصوت بصوت عالي و انا ف الحمام من الخرعه انها قفلت عليا الباب و انا مرعوبه هي اتخرعت عليا اني بصوت راحت جات تفتح الباب الباب مش راضي يتفتح !!!!!!
انا عماله اصوت وهي بتخبط ع الباب بشكل هستيري هي التانيه الباب شبه بأ حائط مش راضي يتحرك من مكانه فجأه انا حسيت ان وداني اتسدت بصوت ومش سامعه صوتي خالص وفجأه و انا بخبط علي الباب ببص ورايا لقيت إيد ( كف اليد ) خرج من عين الحمام ومليانه دم عمال ينقط منها و الأيد بدأت تخرج من عين الحمام روحت حطيت إيدي علي وشي و انا بصوت ووقعت علي الارض لقيت برميل دم طلع وعمال يتهز كل ده في الحمام وفجأه لقيت البرميل بتاع الدم وقع علي الارض و جسمي اتملي دم عند اللحظه دي فقدت الوعي ......
صحيت علي اني في البيت و أهلي كلهم موجودين جنبي وكلهم في نفس الوقت بيسألوني علي اللي حصل معايا و أيه اللي انا شوفتو خلاني حصل معايا بالطريقه البشعه دي ، انا مكنتش قادره أتكلم ، الغريب ان انا كل شويه كنت أطلب من أهلي يدخلوني الحمام و انا مش عاوزه أعمل حمام اساسا بس بطلب منهم أني ادخل الحمام كل ما أدخل الحمام يغمي عليا ييجي أهلي يفوقوني تاني ، اطلع اقعد معاهم ومش بتكلم خالص اقعد أصوت من غير سبب و أطلب ادخل الحمام و انا مش عاوزه اعمل حمام تاني يغمي عليا وهكذا استمر الحال علي أكثر من شهر ..
أخويا الكبير جاب لي شيخ علشان يطلع العفريت من عليا وزي ما كلكم عارفين ده نتيجه اني اتلبست بعفريت ، و يبدو ان الشيخ معرفش يطلع العفريت من عليا مش هو الشيخ ده بس لأ كل شيخ ييجي يطلع العفريت من عليا يقول دا عفريت انجليزي ومش هعرف اطلعو من عليها
في الحقيقه اخويا كان نازل من السعوديه أرض الحرم أخيرا جاب شيخ معاه وبعد معاناه و أكثر من يومين من مكافحة الشيخ اخيرا العفريت طلع من عليا و ركزت مره واحده كده و انا بعيط وقولتلهم هو حصل أيه قالولي انتي كنتي فين وكلهم بدأو يتلفو حوليا (أهلي ) وبيسألوني علي اللي حصل معايا وكده قولتلهم هدخل الحمام و اطلع احكيلكو المصيبه و الصدمه دخلت الحمام أغمي عليا للمره الثانيه كل ده و الشيخ معايا ولسه ملحقناش نبارك لبعض علي ان العفريت خرج من عليا و المصيبه انو كان مستنيني في الحمام كا العاده و تلبس بيا للمره الثانيه
لكن الشيخ خرجه من عليا للمره الثانيه وفضل يقرأ عليا قرآن كتيير
وفضل لمدة شهر مقيم في مصر كل يوم ييجي يقرأ عليا قرآن علشان العفريت ميجيش للمره الثانيه و الحمد لله علي كل حال دي كانت قصتي كلها انا عارف هي قصة رعب مثيره الكلام ده حصل طبعا من 15 سنه زي ما حكيت لحضراتكو ودلوقت انا متجوزه ومعايا اولاد هههههه
حد هيقولي عرفتي ازاي كواليس لما كان العفريت متلبس بيكي ؟
كل التفاصيل دي اهلي حكولي عليها لاكن اللي انا فكراها هي بتاعة الحمام ودي فكراها لحد انهرضه .
تم
الفصل الأول من القصه :
تعليقات
إرسال تعليق