 |
| قصة رعب |
الجن المسلم
كنت عايشه بالسعودية والبلد اللي كنت عايشه فيها بيقال انها كانت مكان للحروب وان معظم البيوت مبنيه على مقابر وانا كنت لسه مسافره اول مره وده السكن اللي لاقيناه عشان نستقر بدل الفندق ولاني كنت مقدمه أن أولادي مغتربين يعني ينزلو يمتحنو بمصر آخر السنه فمكناش بنروح مدارس وطول الليل صاحين وبالنهار نايمين ولأن زوجي طبيب ومواعيد شغله تقريبا معظم النهار والليل فكان عادي المهم كنت بستغل الليل في القيام وقراءة القرآن وانا بحب اصلي في مكان هادي فكنت حاطه بغرفه نومي ضوء خفيف كده احمر وفي مره بصلي سجدت ولما قومت للتشهد لقيت حد جمبي ولأن أولادي بالغرفه التانيه وانا سامعه صوتهم اتخضيت وسكت وبصيت بالأرض مقدرتش ابص جمبي فحسيت بحد بيهمس في ودني قالي متخافيش انا جن مسلم بصلي وبقرأ قرأن وبصوم معاكي ومش هازيكي بس متحكيش لحد عني المهم الحمد لله ربنا قدرني وكملت صلاتي وفعلا محكتش اي حاجه وكمان مشوفتش حاجه غريبه ولا تخوف بصراحة عدت حوالي ٣ أشهر وروحت انا وزوجي عمره مع حمله واحنا راجعين الباص حصل فيه مشكله وكان الساعه ٢ ونص الفجر المهم نزل السواق وكل الرجال اللي بالباص وكان عددهم حوالي بس ٥ والباقي نساء وأطفال الا زوجي فقولتله انزل معاهم قالي انا مش بفهم في الحاجات دي وكمان مش برتاح في الضلمه فضحكت وقولتله بجد بتخاف سكت قولتله اومال لو حصلك اللي حصلي هتعمل ايه وسكت لاني بصراحة ندمت اني قولت كده لاني عارفه زوجي قلوق ومش هيسكت غير لما يعرف المهم فضل يلح اني اتكلم واتعصب عليا فحكيت بأيجاز وكان رد فعله انه مش هيقعد بالبيت ده يوم واحد وأننا هننقل شقه تانيه في أسرع وقت المهم وصلنا الحمد لله نمت وصحيت عادي مفيش حاجه دخلت الحمام اغسل وشي غسلت وببص بمراية الحمام وانا بنشف لقيت وشي بيطول وبيسيح وبتحول لمسخ اتخضيت وجريت زوجي قالي في ايه قولت مفيش وبقيت خايفه ابص لأي مرايا لأنها اتكررت بكل مرايات البيت واضريت اغطيها كلها ابتدا بقى يحصل حاجات كتير جداً زي اني اكون واقفه بغسل المواعين الاقي هوا دخل جوا هدومي وبتتنفخ وانا أفضل اضم هدومي عليا ومرعوبه مكنتش بعرف انام بحلم بكوابيس كلها ازى لاولادي مبكملش ٥ دقائق واصحى منهاره منعت الاكل مبقتش اعرف اصلي وبتلخبط وكل ده زوجي بيدور علي سكن وملاحظ كل ده حصل في أسبوع فقط انا حكيت فجر الجمعه الخميس اللي بعده زوجي قالي تعالى اوديكي لصحبتك غيري جو أن شاء هبقي احسن وفعلا اخذني وداني بيت صحبتي هي عايشه بدور أرضى وليه جنينه صغيره ابني الصغير كان عنده سنه و٥ شهور بيعرف ينزل من الباب عالجنينه هي باسطه واحده وبيلعب مع الولاد وانا قاعده شفاه راح وقع ووالله دماغه مالمست الأرض وقع على ركبه وأيده جريت شيلته لقيت الولد وشه معوج وجسمه مخشب وبيتشنج وانا مش عارفة اعمل ايه عماله اهز فيه واخده بحضني ومره واحده جسمه ساب وحرفيا قطع النفس وقعت بالأرض وقولت ابني مات اخدته من أيدي صحبتي وفتحت الباب وجريت بالشارع تنده على زوجها هو محله بأول الشارع يلحقنا يوديه مستشفى وفعلا سمع الصريخ وهي كانت بلبس البيت وشعرها من الخضه مفكرتش اخده منها وركب سيارته وجه اخدني ناس معاه قوموني انا كنت زي المشلوله رجليا مش شيلاني روحت المستشفى وزوج صحبتي اتصل بزوجي بلغه المهم اخدو الولد ودخلوا غرفه منعوني ادخل بعد شويه عرفت انهم فوقو الولد وعملوله جميع الاشعه والتحاليل واللي عاش بالسعوديه عارف ان ده سهل ومتوفر في أي مستشفى الحمد لله ملقوش عند الولد اي حاجه تفسر اللي حصل لدرجة انهم مكنوش مقتنعين انه حصله كده وقالو انه كان نايم عادي ساعتها زوجي قالي هنمشي من الشقه دي الصبح وفعلا روحنا لمينا هدومنا وكل حاجتنا وقت صلاة الجمعه جم كل اصحابي يساعدوني بالنقل وهو راح كتب عقد بيت والحمد لله فعلا المغرب كنا رايحين للبيت الجديد بمساعدة أصحابنا طبعا اللي زوجي حكي ليهم كل حاجه واحنا نازلين من الشقه زوج صحبتي بيقول خلاص شيلنا اغراضنا وسيبنالكم الشقه اهو اشبعو بيها وحق لا إله إلا الله نور البيت كله طفى وولع وفضل يعمل كده والبيبان ترزع وتفتح كلنا جرينا عالسلم وبعد ماكان محدش مصدق كله صدق والحكايه اتعرفت بالمدينه كلها لدرجة ان ناس كتير عزلت من الحي نفسه كان اسمه حي الشفا بسكاكا الجوف زوجي كان خايف ان ميكنش الموضوع انتهى ساب اصحابي يفرشو البيت واخدني المسجد الكبير وحكي للشيخ عشان يرقيني أو لو في حاجه يتصرف اللهم لك الحمد الشيخ قرأ قرأن لقاني بخير وطمنا أن الحمد لله الموضوع انتهى وقالي اني مكنش ينفع اني اخلف العهد واحكي وقالي كويس انه مسلم لأنه اكتفي بس بأنه يرهبك عشان تسيبي مسكنه لو كان غير مسلم كان ممكن العواقب تبقى وخيمه دي حكايتي مع الجن المسلم.
تعليقات
إرسال تعليق