انا هدخل في الموضوع وبدون أي مقدمات انا كنت شااطر جدا في المرحله الثانويه طبعا زي ما حضراتكو عارفين في مصر أي حد لازم يجيب مجموع عالي علشان يدخل كليات القمه وكده عاوز اقولكو انا بابا كان دكتور برضو علي فكره ....
الموضوع بدأ و انا في المرحله الآخيره من الثانويه وكان لازم اني أجيب مجموع يدخلني كليه من كليات القمه وطبعا انتو عارفين انا بتكللم علي ايه اه هي دي كلية طب زي بابا وده كان وعدي ليه وهو منتظر مني اني ادخل طب و الحمد لله جبت مجموع ممتاز في الثانويه ودخلت طب زي ما بابا كان عاوزني بس انا هقولكو سر بيني وبينكو انا مكنتش بحب طب وكنت شايف أني مش هنفع فيها الصراحه لأن انا شخصيه من اللي بيخافو علي طول ، وكنت شايف ان كلية طب دي اللي هي الناس بأ اللي بيشوفو أموات علي طول وبيتعاملو مع الميتين ، و اللي عاملين حوادث وبيشوفو حاجات غريبه توجع القلب بصراحه بس كنت داخل لأن بابا اللي عاوز كده ، في الحقيقه صارحتو بموضوع اني بخاف من طب وكده ،كان ردو اني هتعود بعدين علي الحجات دي زيو بالظبط .
في الحقيقه اللي كان بيخليني خايف بالطريقه دي من طب هو ان والدي دكتور ، كان بيقعد يحكيلنا قصص مرعبه عن الحجات اللي بيشوفها ويتعرضلها في المستشفيات اللي هو شغال فيها ، دا لدرجة جات عليه فتره بأ بيصرخ في البيت بدون سبب وراح لدكتور نفسي يتعالج عندو بسبب الحجات اللي بيشوفها في كوبيسو ، قبل كده بابا كان بيحكي انو كان ماشي في الطرقه بتاعة المستشفي الساعه 2 بليل لقي العربيه اللي بيجرو عليها المرضه بتجري لوحدها في الممر ودخلت غرفة العمليات وقفلت علي نفسها الباب ....
بأختصار عاوز اقولكو كل دي اسباب كانت مخلياني مش عاوز ادخل كلية طب عاوز ادخل أي كلية تاني بعيد عن طب أو ادخل طب أه بس ما ادخلش طب بشري لأ ادخل طب اسنان أو بيطري علشان ابعد عن الناس و الحالات اللي بابا كان بيحكيلي عليها زمان و انا صغير بس الحجات اللي انا حكيتلكو عليها دي حصلت و انا في الثانويه علي فكره .
دخلت طب بشري وكلو تمام بدأت اتعود علي اجواء طب و اتعالقت مع ناس محترمه هناك كتير لحد ما جات اللحظه اللي مكنتش اتمني اني اشوفها وهي تحديد انت هتشتغل أيه وكتن رد بابا اني لازم أدخل قسم حالات حرجه أو بمعني تاني ( عمليات او جراحه ) ف أتخذت قرار اني ادخلها برضو ووافقت اني ادخلها ومن جوايا جنت موافق علشان عرفت ان فلوسها هتكون كويسه وكده هو مفيش راحه طبعا في طب عموما بس اهم حاجه بالنسبه لي ان فلوسها هتكون محترمه وهعرف أكون نفسي بسرعه بعد ما اتخرج خصوصا انتو عارفين ان طب 7 سنين في مصر ..
دخلت طب و اتخرجت منها كان المفروض اني اتوظف بعد ما اتخرج في مستشفي بجوار بيتنا وكده لاكن اللي حصل عكس ما تمنيت اتوظفت في مستشفي في منطقة العباسيه في مستشفي هناك المستشفي دي مستشفي معروف عنها انها مستشفي مشبوهه نوعا ما بسبب اللي بيحصل فيها وعاوز اقولكو حاجه المستشفي دي فيها دور زي (البدرون ) تحت الأرض يعني كانو مسميينو عنبر الموت لأن كان بينزلو الحالات الخطره بس اللي قربت تموت في العنبر ده المصيبه أني أخدت ورديه بليل يعني الفتره اللي هشتغل فيها هتكون في المساء هشتغل من 4 العصر الي 4 الفجر لأني لسه متخرج ومحتاج أكون خبير و اتعلم في الموضوع أكتر من كده ..
اه نسيت أقولكو ان الدور اللي تحت الأرض ده اللي مبينزلوش غير اللي حالاتهم خطره أتقفل من ساعة المدير الأول للمستشفي أختفي هو و الممرضين بتوعو مش اتقفل بحديد لأ محدش بأ بينزل تحت خالص في الدور ده وشبه اتهجر خالص من ساعة المدير الأول اختفي هو و الممرضين بتوعو لأن محدش كان بينزل الدور ده غيرو هو و الممرضين بتوعو .
المهم انا كنت في الدور اللي فوق الدور ده وكان في مريض تعبان جدا ف الممرضه جات قالتلي تعالي يا دكتور شوف المريض ده المهم المريض كان عندو تشنجات عاليه جدا للأسف و عطيتو حقنه مهدئه وسكت وفضلت قاعد جنبه لحد الساعه 2 بليل طبعا كنا في الشتاء و الممر الأضائه بتاعتو للأسف بهته جدا محطوط اضائه صفراء خفيفه تكاد متكونش بتنور اساسا ، بعد ما خلصت مع المريض ده كانو الممرضين كلهم نزلو نامو في غرفتهم وكل المستشفي شبه نامت مفيش غيري انا اللي مع المريض في الغرفه و نام الحمد لله .
آخدت نفسي وبخرج من الغرفه وزي ما قولتلكم ع الاضائه اللي زي الزفت ببص في نهاية الممر لقيت المدير اللي مختفي بقالو 15 سنه هو و الممرضين اللي اختفو معاه بيجرو عربيه عليها مريض عمال يصوت ويصرخ بصوت مزعج جدا ببص عليهم لقيتو نازل في الدور اللي تحت بتاع عنبر الموت !!
اللي المفروض هو اختفي في العنبر ده اساسا ، اتصدمت من المنظر اللي شوفتو وكنت هعملها علي نفسي من الخرعه اساسا آسف اني بقولكو كده بس ده كان شعوري لما شوفتهم نازلين الدور اللي تحت طبعا علشان تنزل الدور ده او العنبر ده في سلمين سلم في بداية الدور التاني اللي انا واقف فيه وسلم في نهايته آخدت نفسي ونزلت العنبر ده بس من الجنب التاني علشان ميشوفونيش وبصيت نحيتهم برضو بطرف عيني أشوفهم بيعملو أيه لقيتهم فتحو غرفة العمليات اللي في عنبر الموت و الممرضين دخلو المريض ده جوا و هو عمال يصوت راح المديروده لف نفسو قبل ما يدخل غرفة العمليات بيبص وراه وحاطط أيده في جيوب البلطو وولع سيجاره وبعدين دخل غرفة العمليات كل دول بيدخلو غرفة العمليات وهو الباب مقفول بتاع الغرفه انا شايفهم بيخترقو الباب وهو مقفول زي الهوا ...
انا واقف مش قادر امسك رجلي من المنظر حسيت ان هيغمي عليا روحت آخدت نفسي وطلعت اجري علي الدور اللي انا كنت فيه التاني و انا ماشي منهار وبقع علي الارض من المنظر اللي شوفتو نزلت علي العربيه بتاعتي و آخدتها وزي ما أكون طيرت من سرعة العربيه وروحت البيت جيت تاني يوم اتصلت بمدير المستشفي وقولتلو هاخد أجازه اسبوع بدون مرتب ، قالي انت لسه اساسا اول شهر ليك مينفعش من أولها غياب كده اتأسفتلو وقولتلو لظروف قهريه والله و انا اساسا خايف أقولو علي اللي حصل ليقول عليا مجنون ..
كنت قاعد في البيت دماغي هتنفجر من التفكير اللي انا فيه عمال اقول طيب اقولو ولا مقولوش علي اللي حصل و أتخذت قرار اني لازم أقولو علي كل اللي حصل معايا أه نسيت أقولكو اني عرفت شكل المدير القديم من الصوره اللي حاطينها في مكتب المدير الجديد وصورو منتشره في المستشفي وكده .
روحت بعد اسبوع تاني هناك المستشفي قولت للمدير بتاعي عاوز اقعد معاك قاللي اقعد قولتلو هحكيلك موضوع و متقولش عليا اني مجنون قاللي قول ، بس في الحقيقه كان مستهتر ومستهزأ بالكلام اللي انا بقولو وقالي متحطش في دماغك و اللي خلاني اتنرفز اكتر لما راح رن بالفون بتاعو علي واحد يكلمو و انا قاعد جنبيه معني كده انو مستهزأ بكلامي روحت سيبتو و انا متعصب روحت علي المكتب بتاعي وحالتي النفسيه صفر ان محدش مصدقني لقيت ممرضه داخله بتقولي ممكن اكلمك في موضوع يا دكتور قولتيلها انا مش فاضي وعندي مشاغل سيبيني دلوقت قالتلي من فضلك اسمعني روحت زعقتلها وقولتلها أبعدي عني بأ انا مش فضيلك انهرضه قالتلي هكلمك بخصوص موضوع المدير القديم ..
روحت بصيتلها بصدمه قولتلها انتي تعرفي حاجه عنو قالتلي اه إللي كان اختفي هو و الممرضين بتوعو في عنبر الموت قولتلها أه طيب احكي
راحت قالتلي أنو كان ببجيب الحالات اللي قربت تموت وييجي نازل تحت ياخد اعضائهم ويبيعها علشان يستفاد منهم قبل ما يموتو وياخد الفلوس لحسابو لحد ما جات فتره عليه و أختفي وحكتلي عن كل حاجه عنو وعرفتني انها في المستشفي من 30 سنه يعني عارفه بكل كبيره وصغيره في المستشفي وده طمني الصراحه وخلاني اتأكد من كلامها
قولتلها طيب انتي عاوزه ايه قالتلي انا بنتي الوحيده كنت جايباها هنا معايا قولتلها أقفي تحت في عنبر الموت علشان الدكتور ميشوفنيش اني جايبه بنتي معايا ويزعقلي ويخصم من المرتب قعدتها تحت أكتر من 6 ساعات نزلت تحت بعد ما خلصت شغلي لقيتها أختفت تحت ومش لاقياها بقالها سنتين اهو وبدأت تعيط وتبكي بحرقه علي بنتها .. روحت قولتلها خلاص متعيطيش و انا مرعوب اساسا من كلامها علي المستشفي دي و اتخذت قرار اني لازم بأ انزل عنبر الموت تاني انهرضه و اشوفهم بيعملو ايه تحت
واقف في الدور عادي برضو الساعه 11 بليل و المستشفي كلها نامت كالعاده لقيت المدير القديم برضو وشوية الممرضين بتوعو للمره التانيه ماسكين طفله حاطينها علي سرير وبيجروها تحت لعنبر الموت روحت من غيروما يشوفوني نزلت من السلم التاني و البنت اللي حاطينها علي السرير عماله تصرخ عرفت انها بنت الممرضه اللي جات تشتكيلي ان بنتها اتخطفت ..
المهم لقيتهم دخلو غرفة العمليات بالبنت و البنت بتصوت بتصوت عالية جدا ويبدو ان محدش سامع غيري انا بس لقيتهم بعد ما دخلو غرفة العمليات لقيتهم خرجو بسرعه طلعو علي فوق وسابو عنبر الموت استغليت ان البنت لوحدها قولت ادخل احررها من جوا بسرعه وهو العنبر مفيهوش حد غيرها فضلت اجري في الطرقه لحد ما وصلت لغرفة العمليات اللي فيها البنت لقيتها قاعده علي السرير وعطياني ضهرها اول ما لمستها راحت لفت وبصيتلي وعنيها كلها دم وبدأت تصوت سمعت صوت رجلين الممرضين جايين يجرو علب غرفة العمليات تاني روحت استخبيت تحت السرير اللي هي نايمه عليه بسرعه لقيت ناس لابسه لبس ممرضين ورجليها باين عليها طتيره في الهوا وداخليين علي صوت البنت فضلت قاعد تحت السرير اقرأ قرآن بسرعه لاني واقف في وسط اشباح اقرأ قرآت لحد ما لقيت الغرفه فضيت تماما مبقاش فيها حد طلعت أجري علي فوق تاني ونزلت علي عربيتي تاني طلعت أجري و انا مرعوب روحت البيت
معرفتش انام في الليله دي روحت المستشفي تاني يوم ناديت ممرضه احكيلها اللي حصل وقولتلها انا عاوز الممرضه الكبيره اللي في المستشفي هنا علشان اقولها اني لقيت بنتها امبارح مع المدير القديم تحت في عنبر الاموات عرفت بعد كده ان الممرضه اللي دخلت قالتلي ان بنتها اختفت تحت في عنبر الاموات انها ماتت من 15 سنه !!!!!
تعليقات
إرسال تعليق